२०७६ कार्तिक २९, शुक्रबार
Follow Us on:

आफ्नै बिचारसंग किन बिचलित छन् चित्रबहादुर केसी !

तिलक रुवाली

आगामी मंशिर १४ गते सम्पन्न हुन गईरहेको उपनिर्वाचनमा वाग्लुङ क्षेत्र नं २ (ख)  को उमेदवारी सम्बन्धमा राष्ट्रिय जनमोर्चा र नेता चित्र बहादुर केसीका बिषयमा केही जिज्ञासाहरु राख्न सान्दर्भिक ठानेको छु । चित्र बहादुर केसी जी नेपाली वामपन्थी राजनीतिका अव्वल दर्जाका पाका नेता हुन् भन्ने बिषयमा दुई मत छैन । उहाँले नेतृत्व गरेको दल सानो भए पनि अस्तित्वमा छ । राष्ट्रियताका सम्बन्धमा पनि निकै सचेत देखिनु हुन्छ ।

चित्र बहादुर केसी जी र उहाँको दल राष्ट्रिय जनमोर्चा वर्तमान संविधानको संघीय प्रणाली संग असहमत छन् र आफ्ना असहमति सार्वजनिक रुपमा व्यक्त गर्दै आएका छन् । संघीयता राष्ट्रले धान्न नसक्ने र देशलाई प्रदेशमा विभाजन गर्दा राष्ट्रियता कमजोर हुने वहाँहरुको तर्क छ । यो विचारसंग सहमति असहमति जे भए पनि सम्मान नै गर्नुपर्छ ।

चित्र बहादुर केसी जी र वहाँको दल राष्ट्रिय जनमोर्चाले वर्तमान संघीय संविधान प्रति असहमत हुँदाहुँदै पनि संविधान जारी भए पश्चात् तत्कालीन एमालेका अध्यक्ष के पी शर्मा ओली जी नेतृत्वको सरकारमा उप -प्रधानमन्त्री पदको जिम्मेवारी लिनु भयो । आफु असहमत भएको संविधान लागू गर्ने , उक्त संविधान बमोजिम नयाँ कानुनहरु निर्माण गर्ने र लागू गर्ने जिम्मेवारी पाएको सरकारको उप- प्रधानमन्त्री जस्तो पदमा आसिन हुनु वहाँको गम्भीर त्रुटि थियो । आफुले विरोध गरेको र असहमति रहेको संविधान बमोजिम अति उच्च पदमा रहनुमा भने वहाँको राजनीतिक ईमानदारीता देखिएन बरु जीवनको उत्तरार्धमा पदलोलुपता झल्कियो ।

संघीयताको मुल आधार भनेको प्रदेश संरचना र प्रदेश सरकार हो । यदि प्रदेश संरचना र प्रदेश सरकारको व्यवस्था संविधानमा नहुने हो भने हाम्रो संविधान संघीय लोकतान्त्रिक संविधानको रुपमा रहँदैन । जुन नेता र दल संघीय प्रणालीमा विश्वास नै गर्दैन सोही नेता र दलले अब सम्पन्न हुँदै गरेको उप-निर्वाचनमा प्रदेश सभा सदस्यमा उमेदवारी दिनु र प्रतिश्पर्धा गर्नुलाई वहाँहरुको वैचारिक विचलन मान्नु पर्दछ । राष्ट्रिय जनमोर्चाले निर्वाचनमा प्रतिश्पर्धा गर्दा प्रदेश सत्ता आरोहणका लागि मत माग्ने कि प्रदेश खारेजीका लागि भण्डाफोर अभियान सञ्चालन गर्ने ?

राष्ट्रिय जनमोर्चाले आफ्नो उमेदवारी समिकरणका हिसाबले सत्ताधारी नेकपासंग गरेकाले नेकपाको सरकारको जस अपजसको जिम्मेवारी पनि लिनुपर्ने हुन्छ । संघीयता खारेजीको आफ्नो विचारलाई पनि संवोधन गर्नुपर्ने बाध्यता उमेदवार र चित्र बहादुर जीमा छ । यस्तो परिस्थितिमा चित्र बहादुर के सी जी र वहाँको दलले यस उप निर्वाचनमा उमेदवारीको औचित्य पुष्टि गर्न निकै कठिन देख्दछु । जे होस् वहाँहरुले लोकतान्त्रिक अभ्यासमा भाग लिनुलाई भने सकारात्मक नै मान्नुपर्छ र यसको फैसला त्यस क्षेत्रका मतदाताले नै गर्नेछन् ।
लेखक नेपाली कांग्रेस धादिङका नेता हुन् ।

यो पनि पढ्नुहोस्

मुख्य समाचारहरु

आफ्नै बिचारसंग किन बिचलित छन् चित्रबहादुर केसी !

  1. अब हाम्रो सबै गुमेको भुभाग फिर्ता गर्नु पर्छ होइन भने फेरि पनि भारत ले अलि अलि गर्दै सबै सकाउछ।

प्रतिक्रिया दिनुहोस

Your email address will not be published. Required fields are marked *