२०७७ जेष्ठ २४, शनिबार
Follow Us on:

कोरोना संक्रमितको उपचारमा खटिएका भारतीय चिकित्सको मृत्यु

भारतभारतको मध्यप्रदेशस्थित इन्दौरमा कोरोना भाइरसको संक्रमण फैलिइरहेको छ ।

यहाँ कोरोना संक्रमितको सख्या २ सय १३ पुगेको नवभारत टाइम्सले जनाएको छ । इन्दौरमा कयौं चिकित्सकहरु पनि संक्रणको सिकार भएका छन् ।

संक्रमित मध्ये एक जना चिकित्सकको विहीवार ज्यान गएको नवभारत टाइम्सले जिल्लाका सीमएएचओलाई उद्धृत गर्दै जनाएको छ । यससँगै इन्दोरमा मृत्यु हुनेको संख्या २२ पुगेको छ ।

स्वास्थ्य विभागका अधिकारी डा प्रवीण जडियाले डा शत्रुधन पञ्जवानीको निधन भएको जनाए । उनका अनुसार पञ्जवानीमा केही दिन पहिला कोरोना संक्रमणको परीक्षण पोजेटिभ देखिएको थियो । त्यसयता उनको उपचार भइरहेको र थप उपचारका लागि अरविन्दो अस्पतालमा सिफ्ट गरिएको भएपनि आज विहान उनको निधन भएको जडियाले जानकारी दिए ।

कोरोना संक्रमितको उपचारमा सक्रिय रहेका डा पञ्जवानीमा बिरामीको उपचारको क्रममा संक्रमण सरेको अनुमान गरिएको भारतीय सञ्चारमाध्यमहरुले जनाएका छन् ।

मध्य प्रदेशका मुख्यमन्त्री शिवराज सिंह चौहानले कोरोना भाइरस संक्रमणका कारण ज्यान गुमाएका चिकित्सकलाई श्रद्धाञ्जली अपर्ण गरेका छन् ।

बिहीबार मध्याह्नसम्मको तथ्यांकअनुसार भारतमा कोभिड १९ का सङ्क्रमितहरुको संख्या ५ हजार नाघेको छ ।

गएको २४ घन्टा भित्रमात्र मृत्यु हुनेको संख्या १७ रहेको छ । पछिल्लो २४ घन्टामा १७ जनाको कोरोना संक्रमणबाट मृत्यु भएको स्वास्थ्य अधिकारीहरुले पुष्टि गरेका छन् ।

यसरी भारतमा कोरोना सङ्क्रमणबाट ज्यान गुमाउनेको संख्या १६६ जना पुगेको  नवभारत टाइम्सले भारतीय स्वास्थ्य मन्त्रालयलाई उदृत गर्दै जनाएो छ ।

महाराष्ट्रपछि सबैभन्दा बढी विरामी तालिनाडूमा छन् । तामिलनाडूमा कोरोना सङक्रमण भएका व्यक्तिको संख्या बिहीबार बिहानसम्म ७३८ पुगेको छ ।

त्यसपछिका बढी सङ्क्रमित नयाँ दिल्लीमा छन् । नयाँ दिल्लीमा यसका सङ्क्रमितको संख्या ६६९ रहेको छ । भारतमा यसरी दिन प्रतिदिन नयाँ नयाँ संक्रमितहरु थपिँदै जानु बडो चुनौतीपूर्ण भएको यहाँका स्वास्थ्य अधिकारीहरुले जनाएका छन् ।

यो पनि पढ्नुहोस्

प्रतिक्रिया दिनुहोस

Your email address will not be published. Required fields are marked *