२०७७ अशोज १३, मङ्लबार
Follow Us on:

सलमानको हत्या योजना बनाउने पक्राउ

मुम्बई: भारतीय कलाकार सलमान खानको हत्याको योजना बनाएको आरोपमा प्रहरीले एक जनालाई पक्राउ गरेको छ ।

राहुल नाम गरेका व्यक्तिले गत जनवरीमा सलमान खानको रेकी गरेका थिए । उनले ग्याङस्टर लोरेन्स बिस्नोइका लागि काम गर्ने गरेको बताइएको छ । योसँगै उनीमाथि अन्य कैयन् आरोप पनि छन् ।

प्रहरीका अनुसार राहुल अन्य चार हत्याका घटनामा पनि मुछिएका छन् । उनले सन् २०१९ मा एक व्यक्तिको हत्या गरेको आरोप छ ।

ती व्यक्तिले लोरेन्सले भनेका कारण चार व्यक्तिको हत्या गरेको स्वीकारेको प्रहरीले जनाएको छ । प्रहरीको अपराध शाखाले आरोपीलाई भारतका उत्तराखण्डबाट पक्राउ गरेको हो ।

आरोपीले सलमान खानको हत्या गर्ने योजना बनाएको स्वीकार गरेको प्रहरीलाई उद्धृत गर्दै भारतीय मिडियाले लेखेका छन् । सलमान खानको हत्या गर्नका लागि उनको घरको रेकी गरेको पनि उनले स्वीकारेका छन् ।

पूरै जानकारी जुटाएका बेला भारतमा लकडाउन शुरु भएको थियो । त्यसैकारण यो काममा सफल नभएको प्रहरीले जनाएको छ ।

यो पनि पढ्नुहोस्

प्रतिक्रिया दिनुहोस

Your email address will not be published. Required fields are marked *