२०७६ फाल्गुन १०, शनिबार
Follow Us on:

अफगानिस्तानमा आत्मघाती बम आक्रमणमा परि ५ जनाकाे मृत्यु

काबुल: अफगानिस्तानको राजधानी काबुलमा गराइएको आत्मघाती बम आक्रमणमा ५ जनाको ज्यान गएको छ । अफगान सरकारको रक्षा विश्वविद्यालयको प्रवेशद्वार नजिक आत्मघाती आक्रमणकारीले विष्फोट गराएको हो ।

मार्शल फहिम सैनिक विद्यालयको प्रवेशद्वार नजिक गराइएको विष्फोटबाट अरु १२ जना घाइते भएको अफगान आन्तरिक मामिला मन्त्रालयले जनाएको छ ।

युरोपेली शैलीको सैनिक विद्यालयमा अफगान सेनामा भर्ती हुनेका लागि तालिम दिइने गरिएको छ । यसअघि पनि यस विद्यालयलाई लक्षित गरी आक्रमणहरु हुँदै आएका छन् ।

मारिनेमा ३ सैनिक तथा २ सर्वसाधारण छन् । घाइते १२ जनामध्ये ५ जना सर्वसाधारण रहेको अन्तर्राष्ट्रिय सञ्चारमाध्यमले जनाएका छन् ।
आक्रमणको जिम्मा हालसम्म कुनै पनि समूहले लिइसकेको छैन ।

यद्यपि विगतमा अफगानिस्तानमा सक्रिय लडाकु समूहहरु तालिबान र इस्लामिक स्टेटले अफगानिस्तानमा सैनिक तथा सार्वजनिक निशानालाई लक्षित गरी यस्ता आत्मघाती बम आक्रमण गर्दै आएका छन् ।

यो पनि पढ्नुहोस्

प्रतिक्रिया दिनुहोस

Your email address will not be published. Required fields are marked *