२०७६ मंसिर २०, शुक्रबार
Follow Us on:

भाजपाका नेतालाई लात्ताले हानेर झाडीमा फालियो (भिडियो सहित)

कलकत्ता: भारतको केन्द्रीय सरकारको सत्तारुढ दल भारतीय जनता पार्टी (भाजपा)का स्थानीय नेतामाथि पश्चिम बंगालको करिमनगरमा कुटपिट भएको छ ।

भाजपाको पश्चिम बंगाल राज्यका उपाध्यक्ष जोय प्रकाश मजुम्दरमाथि कुटपिट भएको हो ।

सामाजिक सञ्जालमा भाइरल भइरहेको एउटा भिडियोमा भाजपा नेता मजुम्दरलाई केही व्यक्तिले लात्ताले हानेर झाडीमा फालेको देखिन्छ ।

सोमबार पश्चिम बंगालको करिमनगरमा विधानसभाको रिक्त सिटका लागि उपनिर्वाचन भइरहेको छ । मतदान जारी रहेकै अवस्थामा केही व्यक्तिले उपनिर्वाचनमा विद्यानसभा सदस्यका लागि करिमनगरबाट उम्मेदवार समेत रहेका भाजपा नेतामाथि लात्ता प्रहार गरेका हुन् ।

भाजपाले पश्चिम बंगालको क्षेत्रीय दल तृणमूल कांग्रेसका कार्यकर्ताले मजुम्दरमाथि कुटपिट गरेका बताएको छ ।

प्रहरीले मजुम्दरमाथि कुटपिट गर्ने केहीलाई नियन्त्रणमा लिएको जनाएको छ ।

यो पनि पढ्नुहोस्

प्रतिक्रिया दिनुहोस

Your email address will not be published. Required fields are marked *