२०७८ बैशाख २, बिहिबार
Follow Us on:

धादिङको रुबी भ्याली सहित ४ वटा गाउँपालिकामा टेलिमेडिसिन सेवा सञ्चालन हुँदै

लन्डन । धादिङको विकट रुबी भ्याली, गंगाजुमना, खनियाबास र नेत्रावती डम्बजोङ गाउंपालिकामा टेलिमेडिसिन सेवा सञ्चालन हुने भएकाे छ । गैरअावसिय नेपाली संघ बेलायतकाे बिशेष पहलमा साे सेवा सुरू हुने ल।गेके हाे । टेलिफोन र इन्टरनेटमार्फत स्वास्थ्य परामर्श दिइने उक्त सेवा बेलायतस्थित स्वीनफेन च्यारिटेबल ट्रष्टले उपलब्ध गराउन लागेकाे हाे ।

ट्रष्टले अहिले संसारका ७८ देशमा करिब ८ सय बढी स्वास्थ्यकर्मी र विज्ञबाट स्वास्थ्य परामर्श दिदै अाइरहेकाे छ । । ट्रष्टका निर्देशक लर्ड रोजल स्वीनफेन र सहनिर्देशक श्रीमती लेडी प्याट स्वीनफेन छन् भने प्रिन्सेस आन संरक्षक छन् ।

एनआरएनए यूकेको पहल र आइसीसी सदस्य रामशरण सिम्खडाको संयोजनमा आयोजित उक्त छलफल कार्यक्रममा ट्रष्टका निर्देशक लर्ड रोजल स्वीनफेन, सहनिर्देशक श्रीमती लेडी प्याट स्वीनफेन, धादिङका संघीय सांसद खेम लोहनी, 
प्रदेश सांसद जगतबहादुर सिम्खडा, एनआरएनए यूके अध्यक्ष पुनम गुरुङ, पर्वत फलेवास नगरपालिकाका मेयर पदमपाणि शर्मा, स्वीनफेन च्यारिटेबल ट्रष्टका ट्रष्टीहरु क्याथरिन डेभिस, मेजर ह्यू बार्डेल, धादिङ नुवाकोट समाज यूकेका अध्यक्ष सिबी तामाङ, महासचिव धन तामाङ, सल्लाहकार मेजर विष्णु घले, अन्तरराष्ट्रिय धादिङ समाजका अध्यक्ष एनके अर्याल, वरिष्ठ उपाध्यक्ष दिनेश तामाङ, महासचिव प्रमोद भट्ट, डा. भरत सिम्खडा, डा. इन्दिरा रेग्मी लगायत सहभागी थिए ।

छलफलपश्चात रामशरण सिम्खडाको संयोजकत्वमा एनआरएनए यूके अध्यक्ष पुनम गुरुङ, लेफ्टिनेन्ट चन्द्र गुरुङ, धादिङ नुवाकोट समाज यूकेका धन तामाङ र अन्तरराष्ट्रिय धादिङ समाजका वरिष्ठ उपाध्यक्ष दिनेश तामाङ सदस्य रहेको एक स्टेरिङ कमिटी बनाइएको छ । उक्त कमिटीमा संघीय सांसद खेम लोहनी, प्रदेश सांसद जगत बहादुर सिम्खडा र प्राध्यापक पदम सिम्खडा सल्लाहकार छन् ।

एक साताभित्रै स्टेरिङ कमिटीको बैठक बसेर कार्ययोजनासहित यथासक्य सेवा शुरु गर्ने लक्ष्य रहेको संयोजक सिम्खडाले बताए । साे कार्यक्रमकाे स्थानिय साझेदारहरूमा अन्तराष्ट्रिय धाादिङ समाज र धादिङ नुवाकाेट समाज रहेका छन् ।

सम्बन्धित क्षेत्रमा विद्युत, मोबाइल, कम्प्युटर, इन्टरनेट लगायतका आवश्यक आधारभूत पूर्वाधारहरु तयार भएलगत्तै सेवा सञ्चालन गर्ने योजना बनाइएको छ ।

कार्यक्रममा सांसदहरुले नेपाल सरकारका तर्फबाट आवश्यक सबै सहयोग गर्न तयार रहेको प्रतिवद्धता जनाएका थिए । धादिङको उत्तरी भेगका अन्य गाउंपालिकामा पनि सेवा लैजान आग्रह गर्दै जनप्रतिनिधिले भौतिक संरचनाको जिम्मा आफूहरुले लिने बताएका छन् ।

स्वीनफेनको टेलिमेडिसिन सेवा नेपालमा पहिलोपटक पर्वतको चार भञ्ज्याङ क्षेत्रमा विगत ८ वर्षदेखि सुचारु छ । नेपालका अरु केही ठाउंमा पनि स्वीनफेनको यो सेवा उपलब्ध छ ।

कार्यक्रममा स्वीनफेन च्यारिटेबल ट्रष्टका तर्फबाट  लेफ्टिनेन्ट चन्द्र गुरुङले टेलिमेडिसिन सेवासम्बन्धि एक प्रिजेन्टेसन गरेका थिए ।

चारभञ्ज्याङ तमु समाजका सल्लाहकार मेजर कृष्ण गुरुङ, क्याप्टेन देउ गुरुङ, चारभञ्ज्याङ क्षेत्र विकास योजनाका डा योगेन्द्र रिजाल, तमुधिं यूकेका वरिष्ठ उपाध्यक्ष हरि गुरुङले आफ्नो प्रोजेक्टबारे अनुभव सांटेका थिए ।त्यसै गरप पर्वतकाे फलेवास नगरपालिकाका मेयर पदमपाणि शर्माले पनि अनुभव सुनाए ।

यो पनि पढ्नुहोस्

मुख्य समाचारहरु

प्रतिक्रिया दिनुहोस

Your email address will not be published. Required fields are marked *