२०७७ कार्तिक ७, शुक्रबार
Follow Us on:

हिन्दी फिल्म ‘लूटकेश’ को ट्रेलरमा सार्वजनिक: नेपाली दर्शक लेख्छन्- ‘जात्रा’ को कपी हो ?

काठमाडौं: ३ दिनअघि युट्युबमार्फत सार्वजनिक गरिएको हिन्दी फिल्म ‘लूटकेश’ को ट्रेलर केही वर्षअघि रिलिज भएको नेपाली फिल्म ‘जात्रा’ सँग मिलेको भन्दै सामाजिक सञ्जाल प्रयोगकर्ताले टिप्पणी गरेका छन् ।

यो फिल्म र नेपाली फिल्म ‘जात्रा’ दुवैको कथा पैसाको वरिपरि घुमेको छ । त्यसैले पनि ‘लूटकेश’ जात्राबाट प्रभावित हुनसक्ने भन्दै सामाजिक सञ्जाल प्रयोगकर्ताले प्रश्न उठाएका छन् ।

एक फेसबूक पेजमा ‘जात्रा’ बाट फिल्म प्रभावित भएको हुनसक्ने पोस्ट गरिएपछि कतिपयले युट्बयुबमा कमेन्ट गरेर फिल्मको कपी गरिएको प्रतिक्रिया दिएका छन् ।

‘जात्रा’ मा ३ युवाको कथा समेटिएको छ, जसले भेट्याएको पैसाको बोरा लुकाउन कसरत गर्छन् । ‘शूटकेश’ मा पनि यस्तै खालको कथा उनिएको ट्रेलरमा देख्न सकिन्छ ।

भारतका प्रयोगकर्ताले भने फिल्मको ट्रेलरलाई ढोल, धमालजस्ता फिल्मसँग तुलना गरेका छन् ।

नेपाली युट्युब प्रयोगकर्ताले फिल्म ‘जात्रा’ बाट प्रभावित भनेका छन् । पैसा भेट्याएपछि त्यो पैसा लुकाउन पात्रले मेहनत गर्ने कथामा बलिउडमा पनि कैयन् फिल्म निर्माण भएका छन् ।

फिल्मको कथा ‘जात्रा’ बाट प्रभावित भएको हो कि होइन भन्ने हेर्नका लागि भने रिलिज मिति नै कुर्नुपर्ने भएको छ ।

यो फिल्म डिजिटल प्लेटफर्ममार्फत यही ३१ जुलाईमा रिलिज हुँदैछ । फिल्ममा कुनाल खेमु, रसिका दुगल, विजय राज लगायतले अभिनय गरेका छन् ।

यो पनि पढ्नुहोस्

प्रतिक्रिया दिनुहोस

Your email address will not be published. Required fields are marked *