२०७७ जेष्ठ १९, सोमवार
Follow Us on:

युटुवबाट हट्यो पशुपतिको ‘लुट्न सके लुट कान्छा’ बोलको गीत

काठमाडौं । ‘लुट्न सके लुट कान्छा’ बोलको व्यंग्यात्मक भाव बोकेको गीत लोक गायक पशुपति शर्माले आफ्नो यूटुव च्यानलमार्फत हटाएका छन् । शर्माले दुई दिनअघि मात्रै आफ्नै युटुव च्यानलबाट सार्वजनिक गरेका सो गितले बालुटारमा खैलाबैला नै मच्चाएको थियो ।
प्रधानमन्त्री ओली र राष्ट्रपति विद्यादेवी भण्डारी प्रति कडा व्याग्य गरिएको गितका केही शब्द विवादमा तानिएपछि उनले समाजिक सञ्जालमार्फत असन्तुष्टि देखिएका शब्दहरुलाई परिमार्जन गर्ने बताएका छन् ।

सो गितलाई २४ घण्टामै ४ लाख भन्दा बढीले युटुव मार्फत हेरी सकेका थिए भने फेसबुक लगायतका सामाजिक संजालमा भाईरलनै बनेको थियो । युटुवमा छोटो समयमा धेरै हेरीएको भिडियो मध्ये १० औ स्थानसम्म सो गित आईसकेको थियो ।

उनले सामाजिक सञ्जालमार्फत भनेका छन् ‘सर्वप्रथम त म यहाँहरुलाई जानकारी गराउन चाहान्छु कि म राजनीतिलाई त्यति गहिराइबाट बुझ्दिन । तर शुशासन कायम हुनुपर्छ र देशमा विसंगति व्याप्त हुनु हुँदैन भन्ने कुरामा म सचेत छु । मेरो गीतले विसंगतीलाई व्यंग्य गरोस् भन्ने मेरो एकमात्र ध्यय थियो’ । ‘मैले कुनै राजनैतिक आग्रह या पूर्वाग्रह पालेर त्यो गीत बनाएको पनि हैन र कुनै राजनैतिक दल या संस्थासँग मेरो कुनै किसिमको पूर्वाग्रह पनि छैन । तर गीतमा समावेश केही शब्दहरुमा मेरा केही शुभचिन्तकहरुको असन्तुष्टि रहन गएकाले जुन जुन शब्दमा असन्तुष्टि देखियो म ती शब्दहरुलाई परिमार्जन गर्न गईरहेको छु ।’

उनले अगाडि भनेका छन्, ‘केही समय लाग्ला जुन शब्दमा असन्तुष्टि देखियो ती शब्दहरुलाई फेर्नु मेरो पनि दायित्व हो भन्ने सम्झिएको छु।’

उनले आफूले प्रयोग गरेको शब्दले कुनै संस्था विशेष या कुनै दल अथवा समुदाय विशेषलाई अफ्ट्यारो पारेको भए अन्तर हृदयदेखि माफी माग्न चाहेको पनि बताएका छन् ।

‘मेरो नियत कसैको चित्त दुखाउने नभई केवल विसंगतिमाथि प्रहार गर्नु र विकृतिको उजागर गर्नु मात्र थियो यसमा म पुनः प्रष्ट पार्न चाहन्छु’, उनले भनेका छन्, ‘अहिले डिजिटल प्लेटफर्म युट्युबमा रहेको गीतलाई परिमार्जन सहित पुनः लिएर आउने बाचा गर्दै अहिले बजिरहेको गीत युट्युबबाट मैले हटाउने निर्णय गरेको छु ।’

यद्यपि देशको एक सचेत नागरिकका साथै कलाकार भएको नाताले देशमा विद्यमान भ्रष्टाचार, घुसखोरी र जिम्मेवारहरुको अकर्मण्यताविरुद्द आवाज उठाउन पाउने आफ्नो नैसर्गीक अधिकार भएको पनि उनले बताएका छन् ।

यो पनि पढ्नुहोस्

प्रतिक्रिया दिनुहोस

Your email address will not be published. Required fields are marked *