२०७६ मंसिर ३०, सोमवार
Follow Us on:

जापानले लिएको नर्सिङ केयर गिभर परीक्षामा सबै फेल, भाषा परीक्षामा एक जनामात्र पास

काठमाडौं: जापान सरकारले पहिलो चरण लिएको नर्सिङ केयर गिभरको परीक्षामा सवै परीक्षार्थी असफल भएका छन् ।

रोजगारीका लागि उचित गन्तव्य मानिएको जापानामा पहिलो चरणमा नर्सिङ केयर गिभरमा कोही जान नपाउने भएका छन् । जापान फाउन्डेसनले लिएको भाषा परीक्षामा भने १ जना मात्र पास भएका छन् ।

भाषा परीक्षामा सहभासग हुन १३ हजार नेपालीले आवेदन दिएको जापान फाउन्डेसनले जनाएको छ । जसमा लक्की ड्रमार्फत १ हजार जनालाई छानेर नर्सिङ केयर गिभर र भाषा परीक्षामा सामेल गराइएको थियो ।

पहिलो चरणको सामान्य भाषा परीक्षामा ५ सय ९ जना छानिएकोमा ४ सय ९७ जनाले मात्र परीक्षा दिएका थिए । जसमा ५६ जना मात्र उतीर्ण भए । उतीर्ण भएकाहरुमध्ये पहिलो चरणमा नर्सिङ भाषा परीक्षामा १२ जना र सीप परिक्षणमा १५ जना सहभागी भएको फाउन्डेसनले जानकारी दिएको छ ।

भाषा परीक्षामा सहभागिमध्ये १ जना मात्र पास भए भने सीप परीक्षामा कसैले पास गर्न नसकेको जापान फाउन्डेसनले जनाएको छ ।

सीप परीक्षामा सबै असफल भएपछि पहिलो चरणमा जापान रोजगारीका लागि कोही जान नपाउने भएका छन् ।

नेपाल र जापानको श्रम समझदारी अनुसार भाषा र सीप दुवैमा उत्रिण भएपछि मात्र जापान जान पाइने व्यवस्था छ । तर, सिप परिक्षणमा पहिलो चरणमा सहभागी भएका मध्ये १ जना पनि पास नभएपछि जापान जाने प्रक्रिया पहिलो चरण सकिएको छ ।

यो पनि पढ्नुहोस्

मुख्य समाचारहरु

प्रतिक्रिया दिनुहोस

Your email address will not be published. Required fields are marked *