२०७७ कार्तिक ७, शुक्रबार
Follow Us on:

साउदीमा आइतबार अहिलेसम्मकै कम संक्रमित, ५ महिनामा ५२ नेपालीको मृत्यु

दोहा- साउदी अरबमा केही दिनयता कोरोना भाइरस कोभिड-१९ बाट संक्रमित हुनेको सङ्ख्या घट्दै जान थालेको छ ।

दैनिक ५ हजारसम्म सङ्क्रमितको भएको साउदीमा केही दिनयता संक्रमण दर घट्दै गएको हो ।

शनिबार ५५१ जनामा संक्रमण देखिएकोमा आइतबार नयाँ संक्रमितको संख्या ६८ ले कम भएको छ । अर्थात् आइतबार ४८३ जनामा मात्रै संक्रमण देखिएको छ ।

यो सङ्ख्या ५ महिना यताकै सबैभन्दा न्यून रहेको साउदी स्वास्थ्य मन्त्रालयले जनाएको छ ।

मन्त्रालयका अनुसार पछिल्लो २४ घण्टामा १ हजार ९ जना सङ्क्रमित निको भएर घर फर्किएका छन् भने २७ जनाको मृत्यु भएको जनाएको छ ।

साउदीमा अहिलेसम्म कोरोना संक्रमित ३ लाख २९ हजार ७ सय ५४ जना पुगेका छ ।

अहिलेसम्म उपचारपछि घर फर्किनेको सङ्ख्या ३ लाख १० हजार ४ सय ३९ जना रहेको मन्त्रालयले जनाएको छ ।

साउदीमा आइतबारसम्म कोरोना संक्रमणबाट ४ हजार ४ सय ८५ जनाले मृत्यु भएको छ । यसमध्ये ५२ जना नेपालीको कोरोना संक्रमणले मृत्यु भएको साउदी अरबका लागि नेपाली राजदूत डा.महेन्द्रसिंह राजपुतले जानकारी दिए ।

साउदीले सुरुवाको केहि समय नेपाली दूतावासको आग्रहमा सङ्क्रमित नेपालीको सङ्ख्या उपलब्ध गराए पनि पछिल्लो समयमा आएर सङ्क्रमितको राष्ट्रियतबारे खुलाएको छैन ।

यसै कारण साउदी अरबमा के कति नेपाली कोरोनाबाट संक्रमित छन् भन्नेबारे नेपाली दूतावाससंग पनि तथ्याङक छैन ।

यद्यपि धेरै नेपालीहरु अहिले निको भएर नियमित काममा फर्किसकेको दूतावासले जनाएको छ । साउदी सरकारले आगामी १ जनवरीदेखि कोरोना भाइरसका कारण लगाइएका सबै प्रतिबन्ध हटाउने घोषणा गरिसकेको छ ।

यो पनि पढ्नुहोस्

प्रतिक्रिया दिनुहोस

Your email address will not be published. Required fields are marked *